About me 關於我

除了工作,享受生活也是重要的一部分。旅行、影相、聽音樂、運動、入廚等等已把我的空間填滿了,每天都活得很精彩。

Quote by a British chef Mary Berry :

Cooking and baking is both physical and mental therapy.

 

About me 關於我” 有 20 則迴響

  1. 你好,我正在看你的遊記,原來你也是香港人。我2月初會去台中自駕,有很多想請教。特別想去無咩強國人既地方,我正煩惱清境同合歡山既車程問題,因為我們5日4夜都住台中。另武陵撞下睇唔睇到梅花或櫻花,請賜教~~

    1. Life's wonderful little things

      你好,我建議你不要5天都住台中,因車程較遠,不夠時間来回兼遊玩,而且全是湾湾曲的山路,天黑了很難揸車,看不見路。清境很多民宿,武陵也有,最好住在清境一晚,再在其他地方住。頭尾2晚住在台中就夠了。

      1. 但我的package早早己買,所以沒辦法改了。我行程是2/2-6/2,最多只能吉著台中的房一晚住清境。武陵很想去,但好像未有櫻花,而且不住清境單程路太遠了。以下是行程大綱,麻煩你賜教。

        02/02/2015 > 06/02/2015
        KA 490 12:15 > 13:50 HKG > RMQ
        KA 457 21:20 > 22:50 KHH > HKG
        02/02 香港 > 台中 > 高美 > 逢甲市場 (機車)
        03/02 台中 > 集集 > 車埕 > 日月潭 > 埔里酒廠 > 虎頭山 (私家車) 103km
        https://goo.gl/maps/I2OUo
        04/02 台中 > 清境 > 合歡山 (私家車) 109km x2
        https://goo.gl/maps/ivWFO
        05/02 台中 > 嘉義 > 嘉義公園 > 阿里山 (機車)
        06:43 > 08:01 自強371 台中 > 嘉義 $224
        06/02 台中 > 高雄機場 (火車/高鐵)
        18:01 > 19:00 高鐵0725 台中 > 左營
        19:30 > 20:00 左營高鐵 > 高雄機場

      2. Life's wonderful little things

        你好!我也不太熟悉,希望能給你少少意見:
        1. 每天路程似乎太長,因台中走山路多,路窄多灣,不能開太快,那来回花太多時間在車上,觀光時間太短了。
        2.不清楚有櫻花未,但住在武陵農場很寫意,不住也可悠閒地逛逛。但從清境去這裡也頗遠,全部山路,建議不要去。
        3.清境去合歡山的路也是路窄多灣,
        4.去嘉義阿里山就不清楚,但你只得5天4夜,不如留多点時間玩台中好了。集集可踩單車玩,車埕和日月潭也可,不踩可行步道,風境很美。
        5.台中多山路,不是高速,要花很多時間,晚上很早天黑,所以活動觀光時間會少,不要安排得太緊凑。

  2. gin

    版主你好!我正考慮參加西廚學院嘅意大利菜課程,見到你有上過呢個課程,所以想請教你。我本身雖然鍾意整野食,但其實唔算經常整,屋企由細到大都唔食西餐,西餐類嘅煮食經驗唔多,刀功等亦都好一般。當係一個初學者嘅程度,上呢個課程會唔會太吃力﹖但搓麵糰我還可以,平時間中會整麵包。因為課程都唔平,而且對自己嘅能力都唔太有信心,所以想睇睇自己係咪應付得黎。希望你可以分享一下上呢個課程嘅經驗。多謝你!

    1. Life's wonderful little things

      Hi, 你好!我上了Italian & French Cooking 兩個課程,唔會太吃力,也不須要刀功好。只要有煮開嘢就可以。Italian cooking 上堂會煮4、5款,係3、4個人分工做,而French就1-2人合作3 course menu。你有煮食經驗一定可應付到,不用擔心。多啲問chef問題,可以學倒多啲野。學完返屋企煮多次就完全明晒,因上堂有啲趕,而教法係train chef咁,吾同普通的cooking class,要pay attention睇chef 示範。
      其實個course幾好,值得嘅!
      Good luck! 到時話我知你學咗咩 😀

      1. gin

        十分感謝你嘅意見,最後我都係報咗名,上咗四堂啦!
        暫時都可以應付到,之前工作比較忙,要趁呢個假期好好練習。不過我覺得課堂上 chef 嘅調味好似比較重口味,自己整嘅應該會輕手啲。
        上堂時間好趕,原本第一堂會教 carbonara,結果都 cut 咗,唯有返去睇筆記自己試。師姐你post嘅牛肝菌意粉我都好想試整下!
        其實都幾攰,三個鐘真係不停咁洗、切、煮,而且上堂根本唔會有時間寫筆記,所以返到屋企我即晚整理啲筆記。
        但呢個經驗真係好好,同出面嘅興趣班真係好唔同!雖然好攰但好 enjoy 🙂

      2. Life's wonderful little things

        你好!你喜歡就好了,意大利菜每堂學的較多,每次都很趕,你有沒有partner一組?大家可分工。法式堂也趕,只做3 course meal,但preparation & presentation 用的時間多。我也是上課時拍低照片,回家再做筆記。牛肝菌意粉好好味,一定要整。下次上完再分享比我知呀 😛 Happy cooking !!

  3. gin

    我地今次人多,每堂都會三人一組,有時甚至四人,但老實講好睇 groupmates 係咩人。我有一次好彩同一個廚藝底子好好嘅男仔一組,合作得好開心;但多數都冇咁好彩。次次遇正啲上堂又唔留心唔記住 chef 指示,乜都問一通嘅都幾煩。我最近都練習咗啲上堂學嘅菜式,有時都會整定啲 fresh pasta 放喺冰箱。不過冇壓麵機整真係難啲,壓得唔夠薄同平均。

    另外我想請教你,黎緊暑假我會有一兩個月左右嘅空檔,可以上啲 weekday office hour 嘅 course 都冇問題。法國菜我興趣不大 (我唔係啲做野做得好精緻嘅人),烘焙上我就多數做麵包,冇咩整甜品同蛋糕,反而意大利菜就好鍾意。我約略 search 過下,除咗 VTC外都好似冇啲 summer intensive嘅課程咁。又或者可以考慮飛去台北或其他地方上啲一星期嘅課咁。但都唔係好搵得到呢啲課程。請問你有冇咩 idea?

    1. Life's wonderful little things

      Hi, 有時上堂都好怕拍著不太合作的partner,洗碗都洗到儍!其實我都想找short course,但在香港沒有,只得一些studio單堂上,興趣不大 。曾找過日本藍帶,那裏有些short course,不過都是French cooking, bread & pastry, 但不知有沒有intensive的。似乎Italian cooking 比較難找。你說台灣有,請問有無網址?我有興趣呀,你找到可話我知嗎?

      1. gin

        你好!先前我留咗言,等咗好耐都唔見你回覆,入黎一睇先發覺好似冇咗個留言。
        台灣嘅我都係睇呢間 http://idclass.umemura.com.tw/web/ ,不過如果係烹飪課程嘅話又唔係我想要嘅 schedule。香港嘅我有諗過呢個意大利菜課程,不過仲未出 2017年 schedule。佢係一星期一日 full day class, 我諗我都可以上。http://www.ici.edu.hk/pdf/Cert_in_Italian_Cuisine_Part_time_3_December_15_AM_ML_AM.pdf
        另外烘焙嘅有呢個 http://www.ici.edu.hk/pdf/Cert_in_Pastry_and_Bakery_Part_time_3_December_15_AM%20_ML_AM.pdf schedule 上就真係 short intensive course。不過我都係鍾意整麵包,蛋糕同甜品好少整,所以都未必啱,只係 last choice。

      2. Life's wonderful little things

        你好!之前我最後的留言在Jan 20,但期間沒見你留言直到而家🙈🙈唔通你留唔倒?在20號後?
        我都係中意整麵包,但暫時找不到合適課程。明天去睇吓你上面intensive course 條link先,唔知上幾耐呢?

  4. gin

    咁就真係奇怪啦,可能我上次打咗成篇留言冇 submit 到就閂咗吧?
    ICI 課程都未 update啊,但睇落去,意大利菜都係一星期一堂,但就上全日,為期三個月;烘焙就一個星期四日,上全日,但就三個星期左右。(其實上得咁密,喺屋企練就要星期六日,真係做得好密下)
    西廚學院嘅法國菜同西班牙菜我都有諗會唔會繼續上…不過機會唔高,一來上課地點對我黎講太遠,二來課程真係比較貴。
    btw,我最近買咗壓麵機,雖然有啲貴,但真係好好玩!除咗整 pasta外可以整中式嘅麵啊

    1. Life's wonderful little things

      Hi, 西廚學院嘅班要上10堂,都要3個月,都有啲貴。所以我想上啲short course.壓麵機我好耐冇玩,你提醒我要拿出來玩吓 😛 你仲整咗咩呀?

      1. gin

        最近少整 pasta,主要都係做中式麵多。試不同厚度,粗幼,不同材料咁。
        用菠菜有淡淡嘅青色,但唔會好綠。
        用紅蘿蔔呢,我連埋紅蘿蔔碎一齊搓,淡淡地嘅橙色,煮完都食到少少紅蘿蔔味!
        同埋就咁整麵又好寡,我又整咗簡單嘅蔥油用黎撈麵,咁就變咗上海蔥油拌麵啦。
        除咗蔥油外,都有興趣想試做啲簡單嘅醬料黎配麵。想用牛肝菌,但除咗佢同白磨菇仲可以落咩菇呢﹖可唔可以少油啲呢﹖呢個都想請教你。
        我都有試過蝦籽麵,但效果未如理想。上網睇過下啲麵鋪嘅訪問,總括黎講一般都係用鴨/雞蛋加大地魚上湯去搓麵。但我諗,做麵水份咁少,取代水嘅湯咪要好濃,個麵先會有味﹖
        另外我多數做完都係掛起風乾,遲啲先食。做好麵條掛起要晾到半乾先可以捲埋,太乾嘅話麵條就易碎,未乾得夠捲埋又會容易痴埋一齊,睇天氣睇濕度,都幾難掌握!
        不過…做麵真係好好玩 >o<

      2. Life's wonderful little things

        嘩,你好叻呀,仲整中式麵條,我只整過pasta,但都少整,覺得麻煩。而家見你整得咁開心,我決定又整吓pasta先,諗住整菠菜
        我試過做蔥油拌面嗰啲蔥油醬。你話用牛肝菌都好好喎,因牛肝菌夠香,可以加啡色磨菇。有冇諗過用olive oil?整到似pesto sauce?自己整一定可少啲油,或用好啲quality嘅油都得。
        可以試下整冬菇醬,用乾冬菇,調味用麵豉醬、蠔油、黃砂糖、老抽、薑汁、五香粉、水。我都會整,應該用來拌麵會好好食 😛
        整左啲特別野話我知啊,我都要向你學習 ^0^

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s